Таче шке шочмо кечыжым палемда мемнан йӧратыме мурызо да мотор марий ӱдырамаш Татьяна Яковлевна Денисова.

Татьяна Яковлевна, тиде сылне кечын шочмо кечыда дене Тендам уло чон дене саламлена! Йӧратымаш, ныжылгылык, нӧлталалтше кумыл, нимучашдыме куан илышыште эре лийже!
Пеҥгыде тазалык волгалтарыже Тендам, сымыктышыште у кӱкшытым налме жап чӱчкыдын лийын шогыжо да кугу куаным кондыжо!
Чыла шонен пыштымыда шукталтше!

Шӱмыштыда тек эре пеледалтше шошо пагыт озалана, илыш-ончалтыш яндар корно дене наҥгая, а шийвундо эре ситышын лиеш!
Ме чылан рӱжге каласена Тыланда: «Шочмо кечыда дене, шергакан Татьяна Яковлевна!»