8 июньышто Одо кундем Сарапул район Соколовка ял воктенысе мотор аланыште «Семык» пайрем эртен. Тушто Одо, Татарстан, Пошкырт, Виче кундемла гыч усталык коллектив-влак толыныт. Марий Эл гыч «Арбор кундем» фольклор коллектив шке мастарлыкшым ончыктен.

Пайрем кышкарыште гармоньчо, такмакче да тӱмырзӧ-влакын конкурсышт, марий вургем этно-дефиле, еш-влакын конкурсышт, спорт таҥасымаш эртеныт. Семыкыште кидмастар-влак мастаргудышт пашам ыштен, тушто кумылан-влак шудо гыч курчакым ышташ, аралтышым ямдылаш, шун гыч арверым ышташ тунемыныт. Йоча-влакым калык модыш-влак дене модыктымо.
Семыкыш толшо кажне еҥым йӱла пучымыш, команмелна дене сийлыме.
2020 ийыште «Семык» марий калык пайрем Каракулинский районышто эрташ тӱҥалеш.
Фото: www.izvestiaur.ru