Пагалыме йолташ-влак!
Марий кундемнан кугыжаныш пайремже — Пеледыш пайрем — дене алал кумылын тендам саламлем. Тудо, Агавайрем деч вожым налын, ятыр курым дене марий калыкын йӱлажым да тукымвожшым арален шога, икоян улмыжым пеҥгыдемда.
Пайрем ага пашам мучашлымеке, пӱртӱсын ылыжме, саска пеледме жапыште эртаралтеш. Тудым Марий Элыште веле огыл, Российын марий-влакын тӱшкан илыме кундемлаште палемдат.
Таче Пеледыш пайрем — тӱрлӧ калыкым иктеш погышо, тӱрлӧ верам кучышо, тӱрлӧ ийготан еҥ-влакым ушышо айо. Тудо тӱшка пӧртыштына — Марий Элыште — калык-влак коклаште келшымаш кӱварым шараш полша, тӱшка да мер пашам рӱжге эртараш кумылаҥда.
Чылалан пеҥгыде тазалыкым, еш пиалым, тыныслыкым да волгыдылыкым тыланем.
Л.Н. Яковлева, «Российысе марий-влак» федерал калыкле-тӱвыра автономийым вуйлатыше.