Мурызо-влак Олег Славин, Виктория Мочалова, Надежда Степанова, Надежда Кульшетова, Майя Ахметянова, Анатолий Зарецких, Лариса Сидоркина, Светлана Яндукова, Алексей Юнусов, Эльвира Петрова, Людмила Шой калыкым муро сийышт дене кумылаҥденыт. Тыгак йоча-влак Дарья ден Александра Чемонадовамыт, Елизавета Веткина, Елизавета Купцова, Елизавета Шишкина концертым сылнештареныт.

Программе класс шагат семын эртен. Оҥгыр йӱк дене тӱҥалын да тыгакак мучашлыме. Кажне артист шке икымше туныктышыж нерген, кушто тунеммыж нерген палдарен. Сценыште тыгак пайрем касышке толшо да кызыт школышто туныктышо-влакым Валентина Сергеевна Михеевам, Людмила Николаевна Никитинам, Раисия Арсентьевна Шабдаровам, Татьяна Ивановна Васильевам, Нина Ильинична Кузнецовам, Татьяна Сергеевна Кельдыбайым саламлыме. Нунылан кужу жап шокшо кидсовыш йоҥгыш. Концерт жапыште вӱдышӧ школ программе дене йодыш-шамычым пуэн, чын вашештышылан пӧлекым кучыктымо. Школ жапыштым шарналтен, ончаш толшо-влак «Кушто А букваже» йоча мурым муралтеныт.

Тӱвыра печать да калык-влакын пашашт шотышто министрын алмаштышыже Игорь Геннадьевич Садовин, Марий тӱвыра рӱдерын жаплан директор сомылым шуктышо Василий Григорьевич Петров Саламлымаш шомакым лектыныт.

Пайрем касым «туныктышо» Сергей Владимирович Карпов вӱден.